von unserer Manuela Fust anlässlich der Mitgliederversammlung in Berneck am 09.11.2013

DER WEG BIS ZUR EINSATZFÄHIGKEIT

In Zignau, im Oberland, bin i zu minera Simba koh,

ein Blick het glanget, und i han sie zu mir gnoh!

Aktiv han i immer wella si mit minem Hund,

drum bin i in d'REDOG koh, nit ohni Grund!

Isatzfähig werda, isch vo Afang a gsi mis Ziel,

für üs het das gheissa dra bliiba, trainiara ganz viel.

Danka Andreas und Anita, Ihr hend mir zeiget dr ganzi Ufbau,

dass's vo Afang a ganz viel macht "wau wau"!

Mir hend sehr viel vo Eu mit ufa Weg gnoh,

das vergessend mir nia, werdend immer derzua stoh!

Au d Conny fühert das Zepter witer super guat,

nit eifach mit üs, und zwei eigna Hünd, i lupf der Huat!

D'Simba isch a super Hund, sie het mir sehr viel gschenkt,

i han sie nur no as bitz uf da richtig Weg iglenkt.

I selber han viel meh als sie müassa lerna,

das langet nit, wenn ma nur träumt vo da Sterna.

Viel, viel Arbet steckt do derhinter,

no fast schlimmer als bi da Kinder...

Im Training het d'Simba immer geh ihres Besta,

und an da K-Prüafiga het sie mini Nerva wella testa.

Aber au dia hend mir aswenn bestanda,

und uf d'Eignigstest könna planga.

Dia hend mir denn im Schnellzugstempo gmacht,

und wäret der Prüafig immer no glacht.

So, gnuag vo üs, jetzt kumm i zu Euerem Stand,

viela Dank an Eu alli, dass Ihr üs immer gsi sind zur Hand!

I hoffa au für dia Junga, dass Ihr das gsehnd,

mir hends gschafft wil Ihr alli ghulfa hend!

Lönd Eu vo da erfahrena Füchs öpis säga,

denn bestritend Ihr au jedi Stäga.

Kei Angst, d'Simba und i bliebend Eu treu,

denn üsera Erfolg isch au der vo Eu!

Manu Fust im November 2013